Büdcədə hərbi xərclərin azaldılması birmənalı qarşılanmır
Yaşar
Cəfərli: «Hərbi xərclərin azaldılması Azərbaycan tərəfinin də sülh
danışıqlarına üstünlük verməsinin göstəricisi ola bilər»
2009-cu ilin dövlət
büdcəsində hərbi sahəyə ayrılan xərclər əvvəlki illərə nisbətən
azaldılıb. Ölkəmizin müharibə şəraitində olduğunu nəzərə alsaq, hərbi
xərclərin azaldılmasının hansı amillərlə bağlı olması maraq doğurur.
Məsələyə münasibət bildirən Milli Məclisin Təhlükəsizlik və müdafiə
məsələləri daimi komissiyasının üzvü, millət vəkili Zahid Oruc ölkənin
hərbi sahəyə münasibətini dəyişmədiyini vurğuladı:
«Hərbi
quruculuq
işləri
bu
gün
də
ölkə
rəhbərliyinin
diqqət
mərkəzində
olan
prioritet
məsələlərdən
biridir.
Ötən dövr ərzində Azərbaycanın Silahlı
Qüvvələri böyük inkişaf yolu keçib. Azərbaycan ordusu həm resurs, həm
texnika, həm də mənəvi-psixoloji vəziyyət baxımdan xeyli güclənib. Hərbi
sahəyə aid olan vəsaitin artırılması nəticəsində Sialhlı Qüvvələrin
hərbi texnika ilə təminatı yüksək səviyyədə həllini tapıb. Gələn ilin
büdcəsində orduya ayrılan xərclərin əvvəlki illərə nisbətən azaldılması
orduya yönələn siyasətin dəyişilməsi kimi yozulmamalıdır. Artıq
Azərbaycanın kifayət qədər hərbi potensialı var və onu ildən-ilə
yeniləməyə o qədər də ehtiyac yoxdur. Bu mənada ötən dövr ərzində
hərbi-texniki bazanın formalaşdırılması, müdafiə məsələlərinin həll
edilməsi indi digər sahələrə diqqəti artırmağa imkan verir. Yəni artıq
hərbi qulluqçuların sosial vəziyyətinin yaxşılaşdırılması ilə yanaşı ,
əhalinin digər təbəqələrinə diqqətin artırılması günün tələbidir.
Bununla yanaşı gələn il də ordu ilə bağlı kifayət qədər işlər görülücək.
Büdcədə vəsaitin azaldılması hərbi sahənin diqqətdən kənarda qalması ilə
nəticələnməyəcək. Bir sözlə, Azərbaycan ordusu bu illərdə olduğu kimi
Cənubi Qafqazın ən güclü ordusu olaraq qalacaq».
Zahid Oruc hərbi xərclərin azaldılmasını Azərbaycanın hərb variantından
imtinası kimi qələmə verməyin əleyhinədir:
«Ali
Baş
Komandanın
siyasi
xarakterli
dövlətçilik
təcrübəsinə,
onun
yürütdüyü
siyasi
kursun
fəlsəfəsinə
bələd
olunan
hər
kəs
gözəl
bilir
ki,
o,
Azərbaycanın
milli
maraqlarının
qorunmasında
çox
güzəştsiz
bir
mövqe
tutub.
Prezidenti bu mövqeyindən danışdıracaq
hər hansı bir təsirlərin olması qeyri-realdır. Prezident İlham Əliyev
dəfələrlə öz mövqeyini açıq dilə gətirib və ölkənin hərbi siyasətini özü
müəyyənləşdirir. Hər hansı təzyiq və təsirlərlə bu siyasətdən imtina
mümkün deyil. Azərbaycanın bu istiqamətdəki siyasəti qarşıdakı dövrdə də
davam edəcək».
Hərbi ekspert Yaşar Cəfərli isə dövlət büdcəsində hərbi xərclərə ayrılan
vəsaitin azaldılmasını danışıqlar prosesinə daha çox üstünlük verməsi
ilə əlaqələndirir:
«Azərbaycanın ötən illərdə hərbi xərclərin artırılması beynəlxalq
təşkilatlar tərəfindən də mənfi reaksiya ilə qarşılandı. Bu mənada
istisna deyil ki, Azərbaycan tərəfinə də hərbi xərclərin azaldılması
barədə təsirlər göstərilsin. Amma son bir ildə danışıqlar prosesi daha
da intensivləşib. Moskvada imzalanan son bəyannamə də göstərdi ki,
torpaqların sülh yolu azad edilməsinə daha çox önəm verilir. Gələn ilin
dövlət büdcəsindəki hərbi xərclərin azaldılması Azərbaycan tərəfinin də
sülh danışıqlarına üstünlük verməsinin göstəricisi ola bilər. Bu həm də
ona dəlalət edir ki, Azərbaycan problemin həlli üçün bu kimi güzəştlərə
getməyə hazırdır».
Əfsun
Sucayev
